Сүүлийн хэдэн жилийн хугацаанд интернет худалдааны цар хүрээ эрчимтэй нэмэгдсэн. Odoo компаны явуулсан судалгааны статистик мэдээллээс үзэхэд онлайнаар хийсэн худалдан авалт 2015 оноос хойш жил бүр 15%-аар өссөн байна.
Хэрэглэхэд энгийн, ойлгомжтой, бүх төрлийн төрөөрөмж (гар утас, таблет, комьпютер гэх мэт) дээр ажиллах боломжтой онлайн дэлгүүр нь хүссэн бараа бүтээгдэхүүнээ хурууны үзүүрээ хөдөлгөх төдийд хялбархнаар худалдан авах боломжыг хэрэглэгчдэд бүрдүүлж өгдөг.
2021 онд Европчууд дунджаар 550 еврогийн онлайн худалдан авалтыг гар утсаа ашиглан хийсэн бол АНУ-ын хэрэглэгчид дундажаар 750 долларын худалдан авалт хийсэн байна. Энэхүү онлайн худалдааны захзээл нь "эдийн засгийн хямрал болон пандемик" нөхцөл байдлаар үл хамааран тогтвортой өсч байдаг нь харагдаж байна.
Хэрэв та ямар нэг бараа бүтээгдэхүүн борлуулдаг бол та өөрийн бизнест хамгийн тохиромжтой онлайн худалдааны платформ буюу програм хангамж, шийдлийг олж сонгох нь амин чухал зүйл юм. Онлайн худалдааны шийдэл гэдэг бол ердөө таны вебсайт дээрх "Худалдан авах" гэдэг товчлуураар хязгаарлагдахгүй юм. Орчин үед онлайнаар бараа бүтээгдэхүүн худалдан борлуулахтай холбоотой маш олон төрлийн арга шийдэл, хэрэглүүрүүдийг ашигладаг болсон. Тиймээс та сонголтоо зөв хийхийн тулд олон систем, шийдлүүдийг олон шинж чанараар нь харьцуулан судлах шаардлагатай тулгарна. Эдгээр шийдлүүд нь хэрэглэгчдийг таны онлайн худалдааны вебсайтаар дахин дахин давтан үйлчлүүлэх дур, сонирхол руу нь чиглэсэн байдаг.
Features Comparision / Боломжуудыг харьцуулах
Нэр хүндтэй сайн eCommerce шийдлүүдийг шударгаар харьцуулахын тулд бид тэдгээрийн хийж чаддаг чадамж, боломжуудыг нь жагсаан харьцуулалт хийлээ. Ингэхдээ хамгийн түгээмэл ашиглагддаг шийдлүүд болох: Adobe Commerce, Odoo, PrestaShop, Shopify, WooCommerce, Wix зэргийг сонгон авлаа.
Бид онлайн захиалгын платформд байвал зохих хамгийн чухал шинж чанар, боломжуудыг хүснэгтлэн байрлуулсан юм. Эдгээр шинж чанаруудыг Бараа бүтээгдэхүүний агуулга удирдлага, Дизайн, Үйлчлүүлэгчийн бүртгэл, Хүргэлт тээвэрлэлт, Зар сурталчилгаа, Маркетинг, Борлуулалтын удирдлага, Тайлан шинжилгээ, Хэрэглэхэд хялбар байдал гэх найман ангилалд хуваана.
Онлайн худалдааны системийн танилцуулга
Adobe Commerce
“THE NEXT GENERATION DIGITAL
COMMERCE, TAILOR-MADE FOR
YOUR BUSINESS”
Source: https://webtribunal.net
Adove Commerce нь 2008 онд Varien нэртэй компаниас анх танилцуулагдсан бөгөөд нээлттэй эх (open-source) дээр суурилсан Онлайн худалдааны програм хангамжийн шийдэл юм.
Тус компаныг 2018 онд Adobe inc худалдан авсан бөгөөд нэр нь Adobe Commerce болж хувирсан бөгөөд эдүүгээ Онлайн худалдааны тэргүүлэгчдийн нэгээр тооцогдож байгаа юм.
Энэхүү платформаар дамжуулан жилд нийт 155 тэрбум орчим долларын бараа бүтээгдэхүүн худалдан борлуулдаг байна.
Adobe Commerce нь Magento Open source болон Adobe Commerce гэсэн хоёр хувилбартай. Magento Open Source хувилбарыг нь үнэгүй татаж авч ашиглах боломжтой, харин Adobe Commerce -г ашиглахын тулд жил бүр зохих төлбөрийг төлөх ёстой болдог. Харин бид энэхүү платформын Adobe Commerce хувилбарыг Odoo-тай харьцуулж үзэхээр сонгон авсан юм.
Odoo
“AMAZING EMPLOYEES
DESERVE AMAZING SOFTWARE”
Odoo системийг анх 2004 онд Fabien Pinckaers гэгч оюутан байх үедээ OpenERP нэрээр анх үүсгэн байгуулжээ. Улмаар хөгжлийн явцдаа ERP solution гэх үндсэн чиг хандлагаа өөрчилж Бизнесийн иж бүрэн систем гэсэн чиглэлээр хөгжиж байна. Уг системийг Odoo өөрөө хөгжүүлэхээс гадна нээлттэй эхийн зарчмаар олон community, бусад түншүүд (Official partners) мөн хөгжүүлдэг бөгөөд өнөөдрийн байдлаар 37'000 дээш тооны дэд модуль хэсгүүдийг хөгжүүлсэн байна.
Odoo нь Community, Enterprise, Online гэх гурван хувилбараас санал болгодог. Community хувилбарыг Odoo-ын вебсайтаас үнэ төлбөргүй татаж авч ашиглах боломжтой бол Enterprise болон Online хувилбар нь илүү бүрэн дүүрэн боломжуудтай бөгөөд жил бүрийн төлбөр төлөх нөхцөлөөр ашигладаг. Online хувилбарыг сонгон ашигласнаар хэрэглэгч сервер дэд бүтэц бүрдүүлэх шаардлагагүй болох буюу Odoo-ын өөрийнх нь Cloud Service дээр системээ ашиглах юм.
PrestaShop
“YOUR ECOMMERCE SUCCESS
STARTS HERE”
PrestaShop -г анх 2007 онд Францын хэдэн оюутнууд бүтээсэн бөгөөд 15 жилийн турш дараа гэхэд нээлттэй эх дээр суурилсан, энгийн бөгөөд бүрэн хэмжээний онлайн дэлгүүрийн шийдэл бүхий програм хангамж болтлоо хөгжижээ. PrestaShop бол үнэ төлбөргүй ашиглах боломжтой онлайн дэлгүүрийн шийдэл бөгөөд орлогын үндсэн эх үүсвэр нь Google болон PayPal зэрэг бусад томоохон платформуудын хамтын ажиллагаа болдог байна. Харин Addons буюу боломжуудын багцууд нь үнэ төлбөртэйгээр худалдаалагддаг юм.
PrestaShop -г үнэгүй татаж авах боломжтой. Хамгийн сүүлийн хувилбар болох edition 1.7.8.5 нь 2022 оны 3-р сарын 18нд зарлагджээ. Энэхүү хувилбарыг бид харьцуулалтандаа ашиглав.
Эх сурвалж:
https://storeleads.app/reports/prestashop
https://www.prestashop.com/en/about-us
Shopify
“SHOPIFY GIVES YOU EVERYTHING
YOU NEED TO BUILD A SUCCESSFUL
ONLINE BUSINESS”
2006 онд Канадын хоёр бизнесмен тухайн үеийн өөрсдийн ашиглаж буй онлайн худалдааны системдээ сэтгэл дундуур байсан тул Shopify-г анх бүтээж байжээ. Эдүгээ Shopify нь хамгийн хурдацтай хөгжиж буй онлайн худалдааны платформ бөгөөд АНУ-ын хэмжээнд онлайн худалдааны зах зээлд хамгийн том байр суурийг эзэлдэг бөгөөд 2019 оны хэмжээнд Shopify-р дамжуулан нийт 135 тэрбум долларын бараа бүтээгдэхүүний борлуулалт хийгджээ.
Shopify нь хоёр төрлийн хувилбарыг санал болгодог: онлайн худалдааны цахим платформ (Shopify) болон жижиглэн бизнесийн ПОС систем (Shopify POS). Мөн эдгээр бүтээгдэхүүнийг зөвхөн SaaS1 онлайн платформ дээр ашиглах боломжтой.
Эх сурвалж:
https://www.edesk.com/blog/shopify-statistics
https://www.oberlo.com/statistics/ecommerce-platform-market-share-in-usa
https://acquireconvert.com/shopify-statistics/
WooCommerce
“THE MOST CUSTOMIZABLE
PLATFORM FOR BUILDING YOUR
ONLINE BUSINESS”
WooCommerce нь WordPress технологи дээр суурилсан, нээлттэй эх бүхий онлайн худалдааны шийдэл юм. Анх 2011 оны 9-р сард олон нийтэд толилуулагдаж байжээ.Тэр цагаас хойш энэхүү WordPress-ын нэмэлт боломж (plug-in) бүхий онлайн худалдааны шийдлийг хэрэглэгчид нийт 70 сая орчим татаж авч ашигласан бөгөөд эдүгээ Агуулга удирдах систем төрөлдөө (CMS) хамгийн хурдацтай тархсан системийн жагсаалтын хоёрдугаарт бичигдэж байна.
WooCommerce нь үндсэн цөөн боломжууд бүхий үнэгүй хувилбартай бөгөөд түүн дээрээ хэрэглэгч өөрийн хэрэгцээ шаардлагадаа нийцүүлэн нэмэлт боломжууд бүхий багцуудаас худалдан авч ашигладаг байна.
Wix
“IT’S MORE THAN JUST A WEBSITE
BUILDER, IT’S HOW YOUR VISION
COMES TO LIFE”
Wix бол 2006 онд Израил улсад байгуулагдсан компани бөгөөд мар хурдацтайгаар өсч онлайн худалдааны платформын зах зээлд томоохон тоглогчдын нэг болж чадсан юм. 2011 он гэхэд тус компани нь нийт 8.5 сая хэрэглэгчтэй болсон бөгөөд ашиг нь 40 сая долларт хүрсэн байна. Wix вебсайт зохиогч шийдэл нь үнэ төлбөргүй хэрэглэхээс эхэлдэг бөгөөд Premium зэрэглэл рүү ахих нөхцөлөөр хэрэглэгчээс төлбөр авч орлогоо бүрдүүлдэг бизнес загвартай юм.
Wix нь вебсайт зохиох шийдэл болон цахим худалдааны шийдэл бүхий хоёр бүтээгдэхүүн санал болгодог бөгөөд тус бүр нь үнэ тарифтай байдаг. Цахим худалдааны шийдэл нь дараах гурван сонголтоос бүрдэнэ:
Бизнесийн суурь хэрэглээ (Business Basic)
Бизнесийн ахисан хэрэглээ (Business Unlimited)
VIP бизнес хэрэглээ (Business VIP)
Бид харьцуулсан судалгаандаа Business VIP хувилбарыг нь сонгон ашиглав.
few